عشاق الهلاليه

عشاق الهلاليه

 
الرئيسيةالبوابةاليوميةمكتبة الصورس .و .جبحـثالأعضاءالتسجيلدخول

شاطر | 
 

 أنا ياسجم السجم زى قرايتك ما قريت ??!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Soolka Boshee
عضو جديد

عضو جديد
avatar

المشاركات : 2

مُساهمةموضوع: أنا ياسجم السجم زى قرايتك ما قريت ??!   الجمعة 09 سبتمبر 2011, 4:47 pm


دايراك تعنون لي جواب يا الراسي لي ولدي الخدير
ولا تبقي زي شافع السرير.. يقول لي زين آيمة زين
زين وتبقي بعد شهير ؟؟وان جاني يكتب فد سطير
اقولو يا سجم السجم انا زي قرايتك ما قريت
لكن عويناتي بيفرزن الوريقة البيضاء من لون القلم

بعد المغيرب بي شوي جاها الحسن تعبان يسير
دا العشى غنمو من الدرب وسرقت ندي وشو الهجير
سوتلو شاياً بي لبن قرض معاهو حرف فطير
قالتلو بسم الله قول واكتب وصيتي انا للخدير

الزمن يا ولدي ماحقاهو السنين
البعيش في الدنيا ما بعيش مرتين
العمير فاضلي بس منو اليقين
وانت طول في البنادر يا الحبيب لا متين ؟

تعال اوريك حق ابوك الجم حقيق حاج اللمين
ان عرفتو بلا عمار يقولو ولداً عندو طين

والعلاج لا تنسي رسلو لي دحين
العوينات آجناي شوفن ضنين
سلامنا ليك مطرز للبنيات والبنين
ولو الارض يا ولدي تنشال في الايدين
انا كت برسلا ليكا في لوري الخزين
=============================================
هكذا تحدث الاخ الشاعر الفذ خالد شقورى بلسان عمتنا ام الحسن - وام الحسن هذه شخصية يمكن ان تكون رمزية موجودة فى كل بلد . ارتوت من ذلك الارث الجميل
ورحلوا عنها عيالها - البنات تزوجن وسافروا الى بلدا طيرها عجمى والناس فيها كملت عندهم المحنة والشوق للاهل البعاد . كل واحد مشدوه فى نفسه - والوليدات سافروا طالبين الرزق على الله - ام الحسن كبرت وفترت . والخضر رجل كبير ولكن مازال فى نظرها صغيرا ( الخدير ) تخاف عليهو من هم البنادر والدكوكات والشعفوفة
والبرد الشديد , وقد حست الوالدة ام الحسن بان العمر قد ولى وباقى منه القليل - والخدير طول فى البنادر دايراهو يرجع عشان يقيف فوق حقو الجنب حقيق حاج الامين
ثم قالت حقيقة مرة ( لو الارض ياولدى تتشال فى الايدين انا كت برسلا ليك فى لورى الخزين ) يا لك من تصوير بارع اخى شقورى .
ومن هنا ادعوا كل اولاد ام الحسن بعدم الطولة عليها ومخابرتها لحظة بلحظة لانها هى
التى وصلتناا الى هذه المكانة . ارسل لها الدواء قبل ان تطلبه منك واذا حدثتها والان قد ولى لورى الخزين ودخلنا عالم الاتصال التى اصبحت مرئية - لاتقل لها مع السلامة حتى تقولها هى بعد مسح دميعاتها بطرف توبها . ادعو لها كل وقت وتاكد انها عافية
منك دنيا واخرة واطلب منها العفو فى كل لحظة وحين .
لاتقارن بينها وغيرها لا احد فى مكانتها - الزوجة والاولاد وكل الخلايق دونها - الزوجة قد تتزوج غيرها والابناء يرزقك الله بغيرهم - لكن ام الحسن وحيدة وفريدة .
فلا تفرطوا فيها اخوتى واخواتى بروها واخدموها خدمة الحاجب للملك .
وفقنا الله واياكم بان نكون بارين بوالدينا .
[center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
أنا ياسجم السجم زى قرايتك ما قريت ??!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عشاق الهلاليه :: الاقسام العامه :: ساحه الحوار والنقاش الحر-
انتقل الى: